Direkt vor unsam Haus da setht ein schönes Kernkraftwerk
des is kaputt und funktioniert etz wia a Mikrowellenherd
da stelln ma unsan Schweinsbraten und die knedl danem hi
ja bled sama ned so spart ma Energie

Mir essen grod zu Mittag - renga duads gscheit drauß'
mei Muada hoid d' Salodschissl nu schnöi zum Fensta naus
seit's do den sauern Regen gibt geht olles wia von selbst
mir brauchen etz koan Essig mehr und vui weniger Soiz.

Sogar die AOK spart se mit mir an Haufa Göld
da homs me letzte Woch' amoi zum Röntgen eine b'stöld
Kontrastmittel homs koans braucht, a guada hods im Bluat
ja sakra Leit i sogs Eich in Bayern gehts uns guad.

Ein ganz neuer Berufszweig is entdeckt worn durch den Schmarrn
drum wer' i irgend wann amoi in Irak obe fohr'n
als Aufbereitungsanlag mecht mi i da drunt bewerb'n
he des schlecka se dad Finga o wenns so wos billig griagn

Wenn Bam olle vereckan und as Gros todal verwoigt
und d' Kiah am Foid dras flack'n bleim da Steierzahler zoids
wenn d' Niederbayern irgendwann statt oha Ohu schrein
und wir vo do bis Landshut seng werds zwengs dem Kraftwerk sei

oba oans beruigt me furchtbar - is wirklich moi so weit
wenn i zum letztn moi mit meina Frau ins Bett neisteig
dass alle, wirklich alle von dera Rass dawischt
die bis zum letzten Augenblick ned gwisst hod wia ma lebt

und de wo dann an Bunker hom de dade ano ganz gern seng
wias hungrig an am Fünferl lutschen und a ned überlem.