Ndavy'avéigui ko yvytúre asapukáita
Ha ipepóre ñe'ê amondóne ndéve guarã
Nderejuvéigui ko'êrõitéma che añehundíta
Eju jeýna nde pukavýndi tacheañuã

Guyra ohasáva che róga ári che amuñáva
Hi'ãgui chéve ipepo ári kóva amondo
He'ívo ndéve mba'eichaitépa che apytáva
Eho guivénte hasy asýva che korasõ

Pe Ñandejáramante oikuaáne che añandúva
Mba'eichakuépa aiko añohê ko che resay
Chupe ha'éva ko'êrõ ára toike ne akãme
Emboykemínte py'a iñañáva ha eju jey

Yvotykuéra nahyakuãvéiva upe guivénte
Ichuguikuéra chéicha okañýgui umi ne rembe
Eju jeýna, eju jeýnte rehasakuévo
Ñambopyahúvo vy'a iporãva ymaguare